ताप्लेजुङमा स्काभेटर पुरिँदा चालकको मृत्यु,सहचालक घाइते प्रकाशित मिति : २२ जेष्ठ २०७५, मंगलवार २१:४१ ताप्लेजुङ, / फक्तान्लुङ गाउँपालिका–२ खेजेनिनमा सडक खन्ने क्रममा माथिबाट पहिरो झरेर स्काभेटरसहित चालक र सहचालक पुरिँदा चालकको मृत्यु भएको छ, भने सहचालक घाइते भएका छन् । आज साँझ झरेको पहिरोले बा २ ग ५२६३ नं।को स्काभेटर पुर्दा चालक पाँचथरको हिलिहाङ गाउँपालिका–२ का चालक कृष्णप्रसाद कुटुवालको मृत्यु भएको छ । उक्त घटनामा सहचालक विष्णुकुमार श्रेष्ठ घाइते भएको छ । उद्धारका लागि नेपाल प्रहरी र सशस्त्र प्रहरीको टोली घटनास्थलतर्फ गइसकेको प्रमुख जिल्ला अधिकारी मोहनबहादुर जिसीले जानकारी दिनुभयो ।
