तामाखानीमा बस दुर्घटना : ३ जनाको मृत्यु १५ घाईते प्रकाशित मिति : ९ चैत्र २०७४, शुक्रबार १६:३३ काठमाडौं, ९ चैत । तामाखानीमा बस दुर्घटना हुदाँ ३ जनाको मृत्यु भएको छ । काठमाडौंबाट सिन्धुपाल्चोकको मेलम्ची हुँदै भोटे नाम्लाङ जाँदै गरेको आमाहेल्मो यातायातको बा३ख ४३२५ नम्बरको यात्रु बस मेलम्ची नगरपालिका वडा नम्बर १२ स्थित तामाखानीमा दुर्घटना भएको हो । दुर्घटनामा परी ३ जनाको घटनास्थलमै मृत्यु भएको इलाका प्रहरी कार्यालय मेलम्चीले जनाएको छ।घाइते भएका १५ जनालाई उपचारका लागि काठमाडौं ल्याइएको छ। केही घाइतेको धुलिखेल अस्पतालमा समेत उपचार भइरहेको प्रहरीले जनाएको छ। आमाहेल्मो यातायातको बा३ख ४३२५ नम्बरको बस मोडमा चालकले नियन्त्रण गुमाउँदा सडकबाट ५० फिट तल खसेको थियो।
