बलत्कारको घटना नियन्त्रण गर्न प्रमुख जिल्ला अधिकारी मार्फत गृहमन्त्रीको ध्यानाकषर्ण

गोरखा संबादाता

गोरखा, १८ चैत / अन्तरपार्टी महिला सञ्जाल गोरखाले पछिल्लो समय देशका बिभिन्न ठाउँमा महिला हिंसा र बलत्कारका घटना बढ्दै गएको भन्दै गृह मन्त्रालयको ध्यानाकर्षण गराएको छ । सञ्जालले आइतबार प्रुमख जिल्ला अधिकारी जितेन्द बस्नेत मार्फत गृहमन्त्री राम बहादुर थापा “बादल”को ध्यानाकर्षण गराएको हो । “अहिलेको २१ औ शताब्दीमा पनि बोक्सी जस्तो कपोकल्पीत, अवैधानिक तथा निराधार आरोपमा महिला माथि क्रुर याताना, घरेलु हिंसा, बलत्कार जस्ता बिभिन्न घटना घटिरहेका छन् , यस्ता घटनाले समुदाय नै लाई लज्जित बनाएको छ ।” ध्यानाकर्षण पत्रमा उल्लेख छ ।

कैलालीको घोडाघोडि नगरपालीका ५ मा २० राधा चौधरी बोक्सीको आरोपमा कुटिनु, पर्साको सुनौल नगरपालीका ५ मा ८ बर्षिय बालीका सामुहिक बलत्कारको शिकार हुनु, धनुषामा आफ्नै बुवाले चरम याताना दिएर १९ बर्षिय छोरी स्नेहा यादवको हत्या गर्नु लगायतका घटनाहरु बारम्बार हुनु असह्य भएको ध्यानाकर्ष पत्रमा भनिएको छ । यी सबै घटनाहरुको गम्भीरता पुर्वक छानविन गरि दोषिलाई कडा भन्दा कडा कार्वाही गर्न महिला सञ्जालले ध्यानाकर्षण पत्र मार्फत गृहमन्त्रि समक्ष माग गरेका छन् । साथै यस्ता घटनाहरु पुनः दोहोरिन नदिन पनिसञ्जालले गृहमन्त्रीको ध्यानाकर्षण गराएको हो । महिला हिंसा विरुद्ध थुप्रै काननु हुदाँहुदै महिला हिसाँका घटना पटक–पटक दोहोरीनु निकै दुखद रहेको अन्तरपार्टी महिला सञ्जाल जिल्ला कार्यसमितिका कोषाध्यक्ष सम्झना देवकोटाद्धारा हस्ताक्षरित ध्यानाकर्षण पत्रमा उल्लेख छ । महिला हिंसा विरुद्ध कानुन पर्याप्त नहनुका साथै समाज पनि बिकृति र बिसंगति तिर गइरहेकाले महिलाहरु माथि हुने हिसां झन् क्रुर र हिंस्रक हुदै गएको ध्यानाकर्षण पत्रमा भनिएको छ ।

यस्ता मानव अधिकार बिरोधि हिंसाका घटना रोक्न कानुनमा प¥र्याप्त व्यवस्था गरी अपराधिलाई कडा भन्दा कडा कार्वाही गर्नुपर्ने र समाजमा बिद्यमान बिकृति, विसंगती, अन्धविश्वास, अशिक्षा र पछौटेपनको समेत अन्त्य हुन आवश्यक रहेको महिला सञ्जालले औल्याएका छ । महिला हिंसा, बलत्कार जस्ता कुनै पनि अमानविय घटनामा संलग्न दोषिहरुलाई कुनै पनि बहानामा उन्मुक्ति दिन नहुने उनीहरुको भनाई छ । ध्यानाकर्षण पत्र बुझ्दै प्रमुख जिल्ला अधिकारी जितेन्द बस्नेतले जिल्लाबाट हुन सक्ने समाधान आफुले पहल गर्ने र नसके सम्बन्धीत निकाय सम्म पु¥याइदिने बताउनुभएको छ ।

महिला माथि हुने हिंसा, बलत्कार जस्ता घटनाहरु समाजबाट निर्मुल नै गरेर महिलाहरु पनि समाजमा जति बेला पनि निर्धक्क हिड्न पाउनु पर्ने अवस्था आउनुपर्ने बताउनुभयो । यस्ता घटनाको सुचना ढिलो आउने भएका कारण, अदालती प्रकृया मा जादा दोषीलाई कार्वाही गर्न ढिलाई हुने गरेको उहाँको भनाई छ । कानुनी सजाय बलियो नहुदा र अझै पनि यस्ता घटना मिलाउनु पर्छ भन्ने सोचका कारणले समस्या हुने गरेको प्रमुख जिल्ला अधिकारी बस्नेतले बताउनुभयो ।