कांग्रेस कार्यकर्ताद्धारा भत्काइदिए नेपाली भूमिमा गाडेको सीमास्तम्भ प्रकाशित मिति : २ चैत्र २०७६, आईतवार १३:२४ काठमाडौं १ चैत / नेपाली भूमिमा नेपाल भारत सहायक सीमास्तम्भ गाडिएको भन्दै नेपाली कांग्रेसका नेता र कार्यकर्ताले कञ्चनपुर बेल्डाँडी गाउँपालिकामा सीमा स्तम्भ भत्काएको छ। शनिबार कांग्रेस कार्यकर्ताले सहायक सीमास्तम्भ तोडफोड गरेके हो।उक्त सीमास्तम्भ केही दिनअघि नेपाल भारत संयुक्त सर्भे टोलीले बेल्डाँडी गाउँपालिका वडा नम्बर ३ वैवाहमा सहायक सीमास्तम्भ ७८३/४ निर्माण गरिएको थियो। शशस्त्र प्रहरी बल ३५ नम्बर गणका गणपति शसस्त्र प्रहरी उपरीक्षक वीरसिंह साहुले कांग्रेस कार्यकर्ताले सीमास्तम्भ तोडफोड गरेको जानकारी दिए।नेपाली भूमिमा उक्त सीमास्तम्भ गाडिएको भन्दै कांग्रेस कार्यकर्ताले तोडफोड गरेछन्,’ उनले भने, ‘सो सीमास्तम्भ जोर–बिजोरका आधारमा नेपाली पक्षले नै बिजोर भएकाले निर्माण गरेका थिए ।’ गणपति साहुले दक्षिण क्षेत्रमा केही दिनयता सीमा विवादको विषय छलफलको विषयभन्दा सर्भे टोलीलाई काम गर्न पनि असहज भइरहेको बताए। तत्कालीन संविधानसभाका सदस्य बहादुरसिंह थापा, दिवान विष्ट र कांग्रेस जिल्ला कार्यसमितिका पदाधिकारी सीमास्तम्भ गाडिएको क्षेत्रमा पुगेका थिए।
