सात महिनामा ६ अर्ब ६० करोड ९१ लाख बढिको फलफूल नेपाल भित्रियो प्रकाशित मिति : ५ चैत्र २०७८, शनिबार १८:२८ काठमाडौं । चालु आर्थिक वर्षको पहिलो सात महिनामा फलफूलको आयात अकासिएको छ । सो अवधिमा रु ६ अर्ब ६० करोड ९१ लाख २८ हजार ६०० मूल्य बराबरका आँप, सुन्तला, कागती, अङ्गुर र स्याउको आयात भएको हो । तीमध्ये सबैभन्दा बढी स्याउको आयात भएको छ । छिमेकी मुलुक चीनबाट रु तीन अर्ब २२ करोड २२ लाख ३० हजार मूल्यका विभिन्न जातका तीन करोड ८३ लाख ५९ हजार १३३ केजी स्याउ आयात भएको भन्सार विभागले जनाएको छ । नेपाल सरकारले आगामी तीन वर्षमा नेपाललाई फलफूूलमा आत्मानिर्भर बनाउने घोषण आर्थिक वर्ष २०७७र७८ को बजेट पुस्तिकामार्फत घोषणा गरेको थियो ।
