२ वर्षपछि रेल र पानी जहाज चलाएर मजाक उडाउनेहरुलाई जवाफ दिने प्रधानमन्त्री ओलीको बोली

९ फागुन,काठमाडौं।केपी शर्मा ओलीले दुई वर्षभित्र रेल सेवा संचालनमा ल्याउने दाबी गरेका छन् । रेलसँगै नेपालको पानी जहाज चलाएर आफ्नो मजाक उडाउनेहरुलाई जवाफ दिने उनले बताएका छन।शुक्रबार काठमाडौंमा २९ औं राष्ट्रिय औद्योगिक वस्तु तथा प्रविधि प्रर्दशनीको उद्घाटन गर्दै प्रधानमन्त्री ओलीले भने ‘२ वर्षअघि मजाक उडाएका थिए । अब २ वर्षपछि ठट्टा गर्ने मान्छे को हुन् भेटिने छैनन् । किनभने रेल कुद्छ ।’

पानी जहाजको कुरा गर्दा कागजका डुंगा बनाएर प्रधानमन्त्री कार्यालय अगाडि बाल्टीमा पानी हालेर तमासा गरेको भन्दै प्रधानमन्त्री ओलीले भने, ‘हुनसक्छ अर्को साल नभए २०७५ साल नेपालको पानी जहाजले झण्डा हालेर कसरी सामान मान्छे बोकेर हिँड्छ हामी देखाउँछौं । रेकर्ड गरेर राखेहुन्छ ।प्रधानमन्त्री ओलीले सरकार देश र जनताको हितमा समर्पित हुने पनि बताए । सरकारले अब उद्यम विकासको लहर नै सिर्जना गर्ने उनको दाबी छ ।

कार्यक्रममा उद्योगमन्त्री मातृका यादवले उद्यम विकासका लागि निजी लगानी भित्र्याउन आवश्यक ऐन कानुनको व्यवस्था गर्न लागिएको बताएका छन।३ सय भन्दा बढी स्वदेशी उत्पादनका स्टलहरु रहेको प्रर्दशनीमा करिव ८ करोड कारोबार हुने अपेक्षा गरिएको छ ।सरकारकै योजना अनुसार काठमाडांंैको भृकुटीमण्डपमा आयोजना गरिएको प्रदर्शनी ५ दिनसम्म चल्नेछ ।